رأس علوش مصلي
![tounsia.Net : رأس علوش مصلي](https://www.tounsia.net/media/cache/singlepost/uploads/2021/04/xallouch.jpg.pagespeed.ic.jxvJsk5y6S.jpg)
المكونات
- رأس علوش مسلوخ مشطور على ثنين
- مغرفة صغيرة ملح
- مغرفة صغيرة فلفل أكحل
- مغرفة كبيرة تابل و كروية
- مغرفة صغيرة كركم
- أس ثوم كبير مرحي
- كأس صغير زيت
- 3 ورقات رند
تحضير
تنظف الرأس بالماء و الخل تخليه يستقطر. تفوحو بالملح و الفلفل أكحل و الكركم و التابل و كروية و الثوم و الزيت و تخليه يرتاح ساعة في الإفاح متاعو.
وبعد يتفور في الكسكاس مع ورقات الرند لمدة ساعة تقريبا
و بعد تحطو في طبق و تصب عليه الماء اللي في المقفول و ادخلو للفور حتى ينشف من الماء متاعو
وكي يطيب تزينو بالمعدنوس و البصل و روندلات قارص و تقدمو مع فلفل مقلي و فريت
صحة و بالشفاء